Presidenti kroat Zoran Milanovic, i cili ndodhet në një vizitë zyrtare në Bullgari me ftesë të Presidentit Rumen Radev, tha të enjten se “për fat të keq” ekziston mundësia që Shqipëria dhe Maqedonia e Veriut të ndahen në procesin e negociatave të anëtarësimit në BE, sepse Maqedonia e Veriut ka disa kushte, të cilat nëse nuk i plotëson nuk do të mund të vazhdojë me Shqipërinë.
Sipas tij, Shqipëria ndoshta do të mund të vazhdojë e vetme procesin e negociatave.
“Ndryshimet kushtetuese për të cilat është angazhuar Maqedonia e Veriut janë një kusht që BE-ja e ka pranuar”, tha ai. “Maqedonia e Veriut e ka nënshkruar këtë kusht dhe duhet ta përmbushë”.
Ai vuri në dukje se të gjitha këto vende duhet të ishin tashmë pjesë e BE-së, duke përfshirë Bosnjën dhe Hercegovinën, Malin e Zi dhe Serbinë.
Milanoviç ka komentuar edhe çështjen e Shengenit, e cila, sipas tij, është e rëndësishme për Bullgarinë.
Bullgaria dhe Rumania nuk i janë bashkuar ende zonës Shengenin. Kriteret janë politike. Kroacia ka pritur për shtatë vjet ndërsa Bullgaria është në pritje sepse dy vende kanë probleme kundër anëtarësimit të vendit. Milanoviç vuri në dukje se një nga këto vende është Austria, me të cilën ai beson se mund të zhvillohen bisedime.
o.j/dita
