Yevgueni Prigozhin, shefi rebel i Grupit Wagner që ka vënë në rrezik sigurinë ruse dhe autoritetin e Vladimir Putinit në pikëpyetje, i ka dhënë një makinë familjes së një prej mercenarëve të tij të vrarë në luftime.
Ngjarja tashmë është bërë publike por ka ndodhur në mes të marsit, kur biznesmeni dhe themeluesi i grupit ushtarak shkoi në qytetin ukrainas të Volodimir, për të marrë pjesë në funeralin e një prej luftëtarëve të tij.
Pasi shoqëroi familjen, Prigozhin e pyeti të venë nëse kishte nevojë për ndonjë gjë, dhe ajo i tha se makina e saj duhej të riparohej dhe ata nuk kishin para për të paguar riparimin.
Pikërisht atëherë Prigozhin i tha asaj të mbante makinën me të cilën ai vetë kishte vozitur për në varreza.
Modeli specifik është Haval H9 i vitit 2022, një SUV i madh që nuk është shitur kurrë në Evropën Perëndimore. Automjeti i përkiste një kompanie me qira të quajtur Interavto përpara se të kalonte në duart e liderit të Wagner Group.
Por gazetarët e gazetës ‘Holod’ kanë konfirmuar se nga data 22 gusht 2022, deri më 15 mars 2023, kohë në të cilën i përkiste Prigozhinit, automjeti ka grumbulluar 470 gjoba, 340 prej të cilave janë për tejkalim të shpejtësisë.
Me fjalë të tjera, Prigozhin ka marrë mesatarisht 2,3 ankesa në ditë. Dhe kjo ka nënkuptuar një shumë afër 400,000 rubla, e cila është e barabartë me rreth 4,395 euro.
