Përgatitjet kanë filluar për një takim mes Presidentit amerikan, Donald Trump dhe atij rus, Vladimir Putin, tha të shtunën Zëvendësministri i Jashtëm i Rusisë, Sergei Ryabkov.
Një takim i tillë do të shënonte një zhvendosje dramatike nga izolimi perëndimor i Moskës lidhur me luftën e saj në Ukrainë.
Duke folur për mediat shtetërore ruse, Ryabkov tha se një takim i mundshëm Putin-Trump mund të përfshijë bisedime të gjera mbi çështjet globale, jo vetëm luftën në Ukrainë.
“Bëhet fjalë për fillimin e procesit drejt normalizimit të marrëdhënieve midis vendeve tona, gjetjes së mënyrave për të zgjidhur situatat më të mprehta dhe që mund të jenë shumë, shumë të rrezikshme, mes tyre edhe Ukraina”, tha ai.
Por zyrtari rus tha se përpjekjet për të organizuar një takim të tillë janë në një fazë të hershme dhe se realizimi i tij do të kërkojë “punë përgatitore intensive”.
Ryabkov tha se të dërguarit e SHBA-së dhe Rusisë mund të takohen “brenda dy javëve të ardhshme” për t’u hapur rrugën bisedimeve të mëtejshme midis zyrtarëve të lartë.
Përfaqësuesit rusë dhe amerikanë ranë dakord të martën të fillojnë punën për t’i dhënë fund luftës në Ukrainë dhe për të përmirësuar lidhjet e tyre diplomatike dhe ekonomike, sipas diplomatëve të lartë të dy vendeve, në një takim të nivelit të lartë në Arabinë Saudite që shënoi një ndryshim drastik në politikën e jashtme amerikane nën udhëheqjen e Presidentit Trump.
Pas takimit, Sekretari i Shtetit i SHBA Marco Rubio tha se të dyja palët ranë dakord gjerësisht për të ndjekur tre objektiva: rivendosjen e personelit në ambasadat e tyre përkatëse në Uashington dhe Moskë; krijimin e një ekipi të nivelit të lartë për të mbështetur bisedimet e paqes në Ukrainë; dhe eksplorimin e marrëdhënieve më të ngushta si edhe bashkëpunimin ekonomik.
Megjithatë ai theksoi se bisedimet, ku morën pjesë homologu i tij rus, Sergei Lavrov dhe zyrtarë të tjerë të lartë rusë dhe amerikanë, shënuan fillimin e një dialogu dhe se ka më shumë punë përpara.
Ministri Lavrov, nga ana e tij, e përshëndeti takimin si “shumë të dobishëm”.
Asnjë zyrtar ukrainas nuk ishte i pranishëm në takimin, i cili vjen ndërsa Ukraina po humb ngadalë por në mënyrë të qëndrueshme terren përballë trupave ruse që janë më të shumta në numër, tre vjet pasi Moska filloi agresionin frontal ndaj fqinjit të saj më të vogël.
Presidenti ukrainas Volodymyr Zelenskyy tha se vendi i tij nuk do të pranojë asnjë rezultat nga bisedimet pasi Kievi nuk mori pjesë. Aleatët evropianë gjithashtu kanë shprehur shqetësime se po anashkalohen.
i.b./dita
Përgatitjet për takimin e Presidentit amerikan Krasnov (Donald Trump) dhe atij rus, Vladimir Putin kane filluar qysh ne vitin 1987… Bota nuk ka pare asgje deri me sot!
Bota do kthehet ne Monarki.Monarkite Kushtetuese Putin,Orban,Lukashenko,Vucic,Edi Rama,do jene Modeli.Trapi do te jete President i Amerikes deri sa te vdes si Xiu Kines,rrezik Do ta beje presidencen Amerikane te trashegueshme si Kim Jongu.Bota do jete ne dore te Humorit dhe Interesave te ketyre.
Xhorxh !
E kanë thënë filozofet, historia dikur tragjike , kthehet më von në komedi .
Para “ agjentit Krasnov ( presidentit Tramp ) janë akuzuar edhe figura të shquara historike:
Bismarku , agjent I rusëve , Lenini – agjent i gjermanëve , Stalini- agjent i policisë sekrete cariste ,Mehmeti ynë ua kaloi të gjithëve- poliagjent ….E kush i mban mënd të gjitha ç’janë thënë e ç’janë shkruar !
Janë ca sekrete shtetęrore që nuk bëhen asnjë here publike, flas për shtete serioze !
Po të qe Trampi agjent , Gorbaçovi dhe Jelcini do ua kishin dhënë menjëherë amerikanëve .
Siç duket , kapterin e KGB nga Kazakistani , e kanë blerë ……..