Opozita ka zhvilluar sot protestën e radhës para Bashkisë së Tiranës.
Para godinës u vendosën gardhe metalike, që kanë rrethuar bashkinë.
Protestuesit kanë tërhequr mbrojtëset metalike dhe të betonit si dhe kanë hedhur flakadanë.
Po ashtu protestuesit kanë hedhur bomba molotov drejt godinës së bashkisë.
Gjithashtu ashtu si protestat e tjera ata kanë mbledhur goma të cilat pritet të digjen.
Në këtë protestë të 12 ka marrë pjesë edhe vajza e liderit të PD-së, Argita Malltezi.
Gjatë fjalës së tij sot, aktori Mehdi Malkaj tha se do të jetë protestues deri sa të ketë jetën.
Ai shtoi se ata janë në rrugë të mbarë.
Anëtari i Kryesisë së PD, Belind Këlliçi ka marrë pjesë ditën e sotme në protestën e opozitës para Bashkisë.
Këlliçi gjatë fjalës së tij i ka drejtuar një paralajmërim të hapur Policisë së Shtetit nga protesta para Bashkisë së Tiranës.
Ai u shpreh se nëse ata do të prekin qytetarët do të thotë se e kanë personale me PD.
Shefi i organizimit të PD-së, Klevis Balliu, tha sot nga protesta para Bashkisë së Tiranës, se kjo parti është më e fortë se kurrë, më e bashkuar se kurrë.
Ai tha se ka ardhur koha për të vepruar dhe për t’i larguar, ata të cilët flasin kur digjet goma dhe e quajnë dhunë.
j.l./ dita
