Protestuesit në Francë kanë marrë një goditje të rëndë për kauzën e tyre, pasi Këshilli Kushtetues, organi më i lartë kushtetues në vend ka mbështetur reformën e shumëkundërshtuar të pensioneve, duke mbështetur në këtë mënyrë planin e Macron dhe miratuar menjëherë ligjin.
Franca prej javësh tashmë është përfshirë nga protesta të dhunshme, ku mijëra qytetarë kanë dalë në rrugët e qyteteve kryesore për të kundërshtuar rritjen e moshës së pensionit me 2 vjet.
Sipas sondazheve më të fundit në vend, Macron ka humbur ndjeshëm mbështetje pas kalimit të reformës në ligj, pa votën në parlament, ndërsa opozita franceze është rritur fuqishëm javët e fundit, me kundërshtinë që i bëjnë kësaj reforme.
Vala e fundit e protestave përfaqëson sfidën më të madhe ndaj autoritetit të Macron, që prej revoltës së jelekverdhëve, 4 vite më parë.
o.j/dita
