Gjykata e Korçës ka caktuar masën e sigurisë detyrim paraqitje për 19-vjeçaren dhe mbikëqyrje nga prindërit për 17-vjeçaren, të cilat arrestuan 3 ditë më parë me akuzën e pronografisë për të mitur gjykata e Korçës vendosi sot për dy vajzat.
Dy vajzat u arrestuan më 7 shkurt në kuadër të operacionit “CyberShield”, pasi u zbulua se ato bullizonin vajza të mitura dhe shpërndanin në rrjetet sociale foto dhe video intime.
Ky operacion erdhi pas një denoncimi lidhur me hapjen e një profili në rrjetin social Instagram, ku publikoheshin shkrime me natyrë bullizuese, denigruese, si dhe shpërndaheshin foto dhe video intime të vajzave të mitura, nxënëse të shkollave të ndryshme në qytetin e Korçës.
Konkretisht, P. M, 19 vjeçe, banuese në Korçë, ishte administratorja e profilit të krijuar në rrjetin social Instagram, ku publikoheshin materiale me përmbajtje bullizuese dhe denigruese.
Ndërsa, 17-vjeçarja po banuese në Korçë, u identifikua si person përgjegjës për aplikacionin “Tellonym”, i lidhur me profilin e Instagramit.
Njoftimi i Gjykatës:
Nisur nga interesi i treguar prej Jush për rastin bëjmë me dije se:
Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 09.02.2025 ora 13:00 seanca me objekt: “Vleftësim ndalimi, caktim mase sigurimi”, ndaj shtetases P.M dhe E.P, ku gjykata në përfundim vendosi:
1- Vleftësimin si të pa ligjshëm të ndalimit dhe caktimin e masës së sigurimit “Detyrim per t’u paraqitur në policinë gjyqësore” ndaj shtetases P.M, e dyshuar për kryerjen e veprës penale “Pornografia”, parashikuar nga neni 117/2 dhe 25 i Kodit Penal.
2- Vleftësimin si të pa ligjshëm të ndalimit dhe caktimin e masës së sigurimit “Vendosja e të miturës në mbikqyrje” ndaj shtetases E.P, e dyshuar për kryerjen e veprës penale “Pornografia”, parashikuar nga neni 117/2 dhe 25 i Kodit Penal.
j.l./ dita
