Teksa lufta në Ukrainë po vijon që prej 24 shkurtit të këtij viti, rusët po kërkojnë ushtarë jo vetëm duke u mobilizuar brenda vendit, por edhe duke rekrutuar mercenarë jashtë tij.
Sipas paralajmërimit të Ministrisë ukrainase të Mbrojtjes, rajoni kryesor për rekrutimin e mercenarëve është Ballkani.
Një nga ata që janë përgjegjës për këtë proces është serbi Dejan “Daki” Beriç, i cili jeton në Federatën Ruse. Ai vetë është gjithashtu një ish-mercenar dhe luftoi kundër Ukrainës në vitin 2014.
Po ashtu, një tjetër i njohur është mercenari serb Zhika Radoiçiç, i cili aktualisht po merr pjesë në anën e rusëve për pushtimin e Ukrainës.
Qendra e Rezistencës Kombëtare e Ukrainës paralajmëron se pasaporta e një qytetari të një shteti tjetër nuk i përjashton luftëtarët e huaj nga përgjegjësia.
Agjencia ukrainase e Inteligjencës kishte raportuar se rusët kishin sjellë instruktorë iranianë në territorin e rajonit të Khersonit dhe Krimesë për të lëshuar dronët kamikazë “Shahed-136”.
Kujtojmë se Beriç ishte pjesëtar i forcave pushtuese kriminale serbe në Kosovë gjatë viteve 1998-1999.
Krimineli i luftërave serbo-ruse, në një intervistë më të hershme kishte deklaruar “Kosova është në zemrat tona dhe kur të vijë koha, ne do ta kthejmë atë!”
Ai përmes rrjeteve sociale, publikisht, tregon mënyrat se si serbët mund t’i bashkëngjiten forcave pushtuese ruse në Ukrainë.
Nga Serbia në Ukrainë për të luftuar krahë agresionit rusë kanë shkuar shumë ish-kriminelë të luftës.
Mediat e kontrolluara nga pushteti në Serbi vazhdojnë t’i thurin lavde Vladimir Putinit, duke mbajtur marrëdhënie të mira me Kremlinin.
j.l./ dita
Serbe dhe Greke mercenare si gjithmone,
Por kur vjen puna te vene paqe, kthehen te gjithe bashke tua rrasin Shqiptareve, qe shikojne hallin e vet
Mire eshte te shkojne…te pastrohet Ballkani.
Kur shkojne kriminele nga shtete te tjera per te luftuar per Ukrainen quhen te mire, te tjeret jane te poshter.
Krimineli ka vetem nje damke KRIMINEL