“Putin s’po bënte shaka”, Biden: Rreziku për një ‘Armagedon’ bërthamor, më i larti që nga koha e Kennedy

Rreziku i një “Armagedoni” bërthamor është në nivelin e tij më të lartë që nga kriza e raketave Kubane e vitit 1962, ka thënë presidenti amerikan Joe Biden.

Biden tha se presidenti rus Vladimir Putin “nuk po bënte shaka” kur foli për përdorimin e armëve taktike bërthamore pasi ka pësuar pengesa në Ukrainë.

Shtetet e Bashkuara “po përpiqeshin të kuptonin” mënyrën e daljes së Putinit nga lufta, shtoi ai.

SHBA dhe BE kanë thënë më parë se sulmi bërthamor i Putinit duhet të merret seriozisht. Megjithatë, Këshilltari i Sigurisë Kombëtare i SHBA-së, Jake Sullivan, javën e kaluar tha se, pavarësisht nga sugjerimet bërthamore të Moskës, SHBA nuk kishte parë asnjë shenjë se Rusia po përgatitej së shpejti të përdorte një armë bërthamore.

Duke folur në një ngjarje private për mbledhjen e fondeve, Biden tha se lideri rus “nuk po bënte shaka” kur foli për përdorimin e armëve taktike bërthamore, biologjike ose kimike “sepse ushtria e tij, mund të thuash, është shumë e dobët”.

“Për herë të parë që nga kriza e raketave Kubane, ne kemi një kërcënim të drejtpërdrejtë për përdorimin e armëve bërthamore, nëse në fakt gjërat vazhdojnë në rrugën që kishin shkuar. Ne nuk jemi përballur me perspektivën e Armagedonit që nga Kennedy dhe kriza e raketave Kubane”, tha Biden.

Biden u tha kolegëve demokratë se përdorimi i armëve taktike bërthamore, biologjike ose kimike mund të dalë shpejt jashtë kontrollit.

Putin ka kërcënuar se do të përdorë çdo mjet që ka në dispozicion për të mbrojtur territorin rus.

j.l./ dita