Kim Jong Un dhe Vladimir Putin po takohen në kozmodromin Vostochny në lindjen e largët të Rusisë.
Kim teksa ka shtrënguar duart me Putin, i tha liderit rus se “gjithmonë do të mbështesë vendimet e Presidentit Putin dhe… do të jenë së bashku në luftën kundër imperializmit”.
“Më vjen mirë që ju shoh”, tha Putin ndërsa i shtrëngoi dorën Kim-it për rreth 40 sekonda. “Ky është kozmodromi ynë i ri.”, shtoi ai.
Mesazhi është zbardhur nga BBC, ku Kim shpreh lavdi për Rusinë, si një nga vendet e para pushtuese të hapësirës.
Ai shkroi: “Lavdia për Rusinë, e cila lindi pushtuesit e parë të hapësirës, do të jetë e pavdekshme”.
Gjatë takimit, Putin do të diskutojë ndihmën që Rusia do i japë Koresë së Veriut për ndërtimin e satelitëve, pasi Koreja e Veriu dështoi dy herë këtë vit për t’i lëshuar ata.
Gjithashtu dyshohet se të dy mund të finalizojnë një marrëveshje armësh për të ndihmuar pushtimin e Ukrainës nga Rusia.
Gjatë një ndalese në qytetin kufitar Khasan të martën, ku Kim u mirëprit nga zyrtarët rusë, udhëheqësi i Koresë së Veriut tha se udhëtimi i tij në Rusi ishte një “manifestim i qartë” i Koresë së Veriut “duke i dhënë përparësi rëndësisë strategjike” të marrëdhënieve Moskë-Phenian.
Takimi ballë për ballë në kozmodromin Vostochny, shihet si një zhvillim i rëndësishëm, duke bërë së bashku dy liderë që janë gjithnjë e më të izoluar në skenën botërore dhe që vijnë mes luftës së zgjatur të Rusisë ndaj Ukrainës dhe sanksioneve të OKB-së.
j.l./ dita
