Qeveria e Presidentit francez Emmanuel Macron i mbijetoi me një rezultat të ngushtë një mocion mosbesimi në Parlament mbrëmjen e së hënës. Shkak u bë një reformë thellësisht jopopullore për rritjen e moshës së pensioneve nga 62 në 64 vjeç dhe që shkaktoi greva dhe protesta në mbarë vendin.
278 deputetë e mbështetën mocionin, 9 më pak nga 287 që nevojiteshin. Rezultati u prit me reagime të forta nga opozita në sallë. Edhe një mocion i iniciuar nga Fronti Nacional i Marine Le Pen u rrëzua. Ky rezultat duket një lehtësim për Macron.
Në të kundërt ai do detyrohej të formonte një qeveri të re ose të shpallte zgjedhje të parakohshme ndërsa ligji do të rrëzohej. Por ky lehtësim mund të jetë jetëshkurtër, citon Reuters. Kjo sepse sindikatat dhe partitë opozitare thanë se do të rrisin protestat që qeveria të tërhiqet.
Kritikët thonë se vendimi i Macron për të anashkaluar votimin parlamentar për projektligjin e pensioneve ka minuar tashmë axhendën e tij reformiste dhe ka dobësuar udhëheqjen e tij. Votimi në Parlament nxiti daljen e protestuesve në rrugët e Parisit, por policia ndëryri për shpërndarjen e tyre.
m.b./dita
