Një nga shqetësimet më të mëdha të prindërve në këtë botë moderne është mënyra se si teknologjia mund të ndikojë në zhvillimin dhe edukimin e fëmijëve të tyre.
Pavarësisht se ka sjellë përparime të pamohueshme që e bëjnë jetën e përditshme më të lehtë dhe më të durueshme, sfera e internetit ka edhe rreziqe të mëdha, veçanërisht për të miturit, të cilët janë të pambrojtur, nëse nuk kanë ndihmën dhe mbikëqyrjen e një të rrituri.
Mund të jetë problematike që një organ legjislativ të vendosë me ligj masa kufizuese, pasi interpretohet si ndërhyrje e shtetit në të drejtat e prindërve në edukimin e fëmijëve.
Ndaj, kanë qenë vetë qytetarët që kanë marrë iniciativën në qytetin irlandez Greystones.
14.000 banorë në fqinjin e Mbretërisë së Bashkuar kanë marrë vendimin unanim: Jo celularë për fëmijë deri në 12 vjeç.
Secila prej shoqatave të baballarëve dhe nënave në qytet ka rënë dakord të kufizohet aksesi i fëmijëve të tyre në këto pajisje, të paktën deri në moshën 12 vjeç.
Pra nuk është vendim i autoriteteve, bashkisë apo komunës, por vetë komunitetit. Një hap përpara, që nëse funksionon, mund të shtrihet në zona të tjera të Irlandës apo edhe në botë.
