Kryeministri Edi Rama ia ka besuar këshillimin për çështjet e medias një zonjë e cila në profilin e saj në Linkedin e përshkruan veten si “stratege”.
Gazetari i Top Channel, Muhamed Veliu, duke iu referuar burimeve qeveritare raporton se ajo është Vlerë Gjakova, e cila ka qenë aktive në të shkuarën për komentet e zhvillimeve politike si në Kosovë dhe në Shqipëri.
Ajo ka është lindur në Maqedoninë e Veriut dhe ka shpenzuar një kohë të gjatë në Kosovë.
Vlerë Gjakova po ashtu ka qenë pjesë e “Rrethit Katror” një rubrikë në emision “E Diell” në Top Channel, nën moderimin e Edi Manushit, ku flitet për cudira dhe konspiracione.
Të njëjtat burime treguan se Vlera Gjakova e ka marrë zyrtarisht këtë detyrë dy javë më parë.
M.Veliu shkruan se Top Channel ka parë një e-mail dërguar nga Vilma Guri, sekretare e përgjithshme në kryeministri, dërguar sekretarëve të përgjithshëm të ministrive, ku njoftohen për rolin e zonjës Gjakova.
Vilma Guri përmes këtij e-mail kërkon zhvillimin e takimeve nga këshilltarët e medias të çdo ministrie me Vlerë Gjakovën për t’i paraqitur strategjitë e komunikimit.
Në profilin e saj në Linkedin, zonja Gjakova e përshkruan veten e saj si “stratege në fushën e komunikimit, eksperte për energjinë e rinovueshme dhe publiciste me një eksperiencë 18-vjeçare për strategjitë e medias dhe marrëdhëniet me publikun”
