Samiti i Bashkimit Evropian që do të zhvillojë punimet të enjten, do të ketë temë diskutimi raportet mes Kosovës dhe Serbisë.
Në mbyllje të punimeve, të premten, pritet të miratohen konkluzionet, ku do t’i jepet mbështetje edhe propozimit evropian për normalizimin e raporteve mes Kosovës dhe Serbisë.
Në draftin e konkluzioneve, kërkohet që në tërësi dhe pa kushte të implementohen obligimet nga marrëveshjet e vitit 2013 dhe 2015, përfshirë edhe atë për Asociacionin e komunave me shumicë serbe.
Prishtina kërkon që një marrëveshje finale të përfshijë njohjen e ndërsjellë, ndërsa Beogradi insiston në një zgjidhje kompromisi, pa specifikuar se për çfarë kompromisi bëhet fjalë.
Temat kryesore të samitit dyditor të BE-së do të jenë politika e migrimit dhe situata në Ukrainë. Për herë të parë në një samit të BE-së do të marrë pjesë fizikisht dhe presidenti i Ukrainës, Volodymyr Zelensky.
m.b./dita
