Gjuetia për burra dhe gra të dërguara në Evropë nga shërbimet ruse, duke u paraqitur si amerikanolatinë ose në çdo rast me origjinë nga vende të padyshimta, vazhdon.
“Peshqit” e fundit përfunduan në rrjetë në Slloveni më 5 dhjetor, ndërsa zhvillime hetimore dolën në Gjermani dhe Austri. Një dëshmi, për një duel të madh paralel me krizën ukrainase.
Çifti
Ai tha se quhej Ludëig Gisch, ajo Maria Rosa Mayer Munos. Çifti kishte ardhur disa vite më parë nga Argjentina me dy fëmijë dhe ishin vendosur në territorin slloven, në Crnuce, për të kryer aktivitete të shumta ekonomike.
Një galeri arti, organizatorë eventesh, një kompani teknologjie, shitje shtëpish. Ekrani pas të cilit – sipas aktakuzës – ata fshihnin misionin e tyre parësor: të spiunonin.
Të pranishëm në rrjetet sociale, me bilancet e kompanive të rregullta, ata kanë mbajtur marrëdhënie jashtë vendit, veçanërisht Maria, nga Londra në Edinburg.
Për hetuesit ishte çifti klasik i “fjetur”, të mbrojtur nga një identitet i rremë, elementë të profilit të ulët dhe një ekzistencë e qetë për të mos gabuar.
Ludëig flet gjermanisht, Maria shprehet në spanjisht që duhet të përforcojë tezën e origjinës së saj argjentinase.
Mund të jetë në të vërtetë nga Baires, ose është “legjenda” që eprorët i kanë thënë të tregojë për të ngatërruar letrat.
Referenca për Amerikën e Jugut, iu referua rasteve që kanë shpërthyer muajt e fundit.
Nga braziliani i rremë që u përpoq të hynte në Holandë, si studiues që punoi për një kohë të gjatë në Norvegji, duke pretenduar gjithmonë se ishte brazilian, te “ruso-peruania” Adela, që e dërgoi në Napoli për të hyrë fshehurazi në qarqet afër komandës së NATO-s.
Një mënyrë e ngjashme u përdor edhe nga anëtarët e rrjetit të demaskuar nga FBI në SHBA në vitin 2010, ata që frymëzuan serialin televiziv “The Americans”.
Të lindur në Rusi, ata mbanin “rroba” të tjera me qëllimin e vetëm për të gjetur burime, për të vendosur kontakte, për të mbledhur informacion.
Është e nevojshme të kesh një punë, burime të pavarura, detyrat e përditshme të çdo familjeje.
Legaliteti është miku më i mirë i “ilegalëve”, pasi në zhargon përcaktohen të infiltruarit me jetë të dyfishtë.
Në këto orë, sllovenët janë në kërkim të bashkëpunëtorëve të mundshëm dhe një shtetas vendas është nën hetim, edhe pse nuk është kryer arrestimi, pozicion për t’u vlerësuar.
Korrieri
Një lajm interesant vjen edhe nga Gjermania. Arthur E, një tregtar gjerman me origjinë ruse, i arrestuar më 26 janar në kthimin e tij nga një udhëtim në Majemi, pranoi se i kishte kaluar të dhëna inteligjencës ruse, FSB.
Ai do ta kishte bërë këtë si korrier për Carsten L, zyrtari i lartë i sigurisë (BND) në Gjermani i arrestuar në fund të dhjetorit me dyshimin se ishte një spiun i Moskës.
Arthur i dha Moskës informacione për konfliktin në Ukrainë, por, sipas versionit të tij, në fillim ai mendoi se po vepronte në emër të vendit të tij dhe vetëm më vonë e kuptoi se cilët ishin klientët e vërtetë.
E kanë mashtruar me një metodë të zakonshme apo është një gënjeshtër e dobët?
Nuk është ende e qartë se sa i thellë është dëmi i shkaktuar nga Carsten, një personalitet i frustruar me simpatitë e ekstremit të djathtë: sipas mediave, ai kishte akses në materialet e marra nga përgjimet, një shkelje serioze që do të përfshinte partnerët e NATO-s.
Dëbimet
Vjena, si Berlini dhe tani Budapesti, është një nga arenat historike të spiunazhit.
Ishte në kohën e Luftës së Ftohtë, është edhe sot. Vitet e fundit kanë ndodhur shumë episode, ngjarje të lidhura me Lindjen e Mesme dhe konfliktin çeçen, të pasuara me probleme për aparatet dhe pasojat e pashmangshme të pushtimit.
Qeveria dekretoi të enjten dëbimin e 4 diplomatëve rusë, masë kjo e justifikuar me formulën e njohur: ata kanë mbajtur një sjellje që nuk përputhet me pozicionin e tyre zyrtar, pra i janë përkushtuar diçkaje tjetër.
Akuza e nënkuptuar dhe indirekte për spiunazh. Më 19 dhjetor u njoftua hapja e një hetimi për një grek, djalin e një ish-zyrtari të Moskës.
Protagonist i shumë udhëtimeve, ai zgjoi vëmendjen e hetuesve, të cilët nuk përjashtuan veprime në favor të GRU-së, shërbimit ushtarak rus në atë kohë.
j.l./ dita
