Ministria britanike e Mbrojtjes në përditësimin e saj të fundit mbi situatën në terren në Ukrainë, paralajmëron se Presidenti rus Putin mund të shpallë zyrtarisht anëtarësimin e rajoneve të okupuara të Ukrainës në Federatën Ruse, rajone në të cilat aktualisht po mbahet një referendum.
“Presidenti Putin është planifikuar t’i drejtohet të dy dhomave të parlamentit rus të premten më 30 shtator. Ekziston një mundësi realiste që Putin të përdorë fjalimin e tij për të shpallur zyrtarisht anëtarësimin e rajoneve të okupuara të Ukrainës në Federatën Ruse. Referendumet që po zhvillohen aktualisht në këto territore janë planifikuar të përfundojnë më 27 shtator”, thuhet në njoftimin e ministrise britanike.
Të martën është dita e fundit e votimeve në të ashtuquajturat referendume për t’iu bashkuar Federatës Ruse.
Në katër rajonet ukrainase, pjesërisht të okupuara nga Moska, për pesë ditë me radhë po mbahen votimet për referendumet që po cilësohen si të rreme nga Ukraina, Perëndimi dhe Kombet e Bashkuara, sepse ato janë joligjore sipas ligjit ndërkombëtar.
Votimet në rajonet e Luhanskut, Donjeckut, Hersonit dhe Zaporizhjës po mbahen në kohën kur po zhvillohet konflikti më i madh në Evropë që nga Lufta e Dytë Botërore. Ka pretendime nga disa zyrtarë lokalë se votuesit po kërcënohen dhe frikësohen.
Latest Defence Intelligence update on the situation in Ukraine – 27 September 2022
Find out more about the UK government’s response: https://t.co/xG1CgXqeKM
🇺🇦 #StandWithUkraine 🇺🇦 pic.twitter.com/schw2ockbs
— Ministry of Defence 🇬🇧 (@DefenceHQ) September 27, 2022
j.l./ dita
Nuk po marrim vesh, Putin referendum, Londra deklaron…
Po nga kjo gazete kam lexuar avancimin e forcave te Ukraines ne teritoret e puahtuara dhe krijova pershtypjen se eshte ceshtje ditesh largimi i Rusise
Si duket nuk ke lexuar me mënd por me sy