Nga Fatma Diko
Ndërsa tendencat verore të dekorimit të shtëpisë përqendrohen në një ndjenjë të lehtë organike, tendencat e dekorimit të shtëpisë së vjeshtës kanë të bëjnë me forma interesante, tone të ngrohta neutrale. Idetë e dekorimit të vjeshtës po synojnë krijimin e një shtëpie komode dhe të ngrohtë. Qëllimi është krijimi i një ambienti që respekton personalitetin e personit që jeton në shtëpi. Pra, më poshtë, gjeni disa këshilla që janë gati të rregullojnë estetikën e vjeshtës në shtëpinë tuaj.
NGJYRAT E TOKËS
Tonet e tokës dhe ngjyrat neutrale të ngrohta si: tonet e ngrohta të rërës, kanellës, ndryshkut, terrakotes, bakrit, pothuajse çdo game ngjyrash në nuancat e kafes ofrojnë një ndjenjë qetësie dhe rehatie. E bukura në lidhje me këtë trend është se tonalitetet e tokës funksionojnë me çdo stil dekori. Ndërsa për ata që guxojnë, e verdha mustardë, jeshilja e barit, ose blu do e bënin ambientit tuaj ti ngjasonte viteve 70’.
PËRDORIMI I DRURIT NATYRAL
Bukuria natyrore e drurit krijon një mjedis mikpritës dhe qetësues për vjeshtën. Dhe me dëshirën në rritje për hapësira më të lehta dhe më të ajrosura, druri shton një efekt tokëzimi shumë të nevojshëm .Megjithatë,nëse keni dysheme druri me ngjyrë gri ose elementë të tjerë në shtëpinë tuaj. Ju mund të vendosni lehtësisht tone të ngrohta druri përmes tavolinave të kafes, tavolinave anësore, karrigeve dhe kornizave të fotografive prej druri.
FORMAT ABSTRAKTE DHE TË LAKUARA
Këtë vjeshtë, ne do të shohim shumë karrige dhe divane të lakuara, skaje të rrumbullakosura në tavolina kafeje, pjesë me theks të lakuar dhe pasqyra, si dhe veçori interesante arkitekturore si portat e harkuara. Për ju që ju pëlqen dekori minimalist,tendenca me forma abstrakte mund të jetë për ju.Mund ta shohim këtë trend në perdorimin e vazove dhe pasqyra. Format abstrakte shkojnë krah për krah me forma të valëzuara për të krijuar një humor unik në shtëpi.
ELEMENTË TË THURUR (ENDUR)
Elementet e endura në të gjitha format e tyre i shtojnë butësi çdo hapësire. Mendoni për shporta në të gjitha format dhe madhësitë, lambat e varura të endura, qilimat me fibra natyrale mund të sjellin një prekje ngrohtësie dhe interes vizual në hapësirën tuaj.Karriget e endura janë gjithashtu një mënyrë e shkëlqyer për të sjellë pamjen natyrale në shtëpinë tuaj.
MATERIALET E COPAVE
Për një një ndryshim më të lehtë të imazhit të shtëpisë suaj në vjeshtë, thjesht ndërroni disa nga elementët si; mbulesa e shtratit, qilimat dhe jastëkët tuaj me versione më të trasha dhe më të rënda. Jastëkët prej kadifeje janë mënyra ime e preferuar për të sjellë një prekje ngrohtësie në shtëpinë tonë. Madje edhe shtimi i një jastëku të vetëm mund të bëjë një ndryshim të madh! Gjithashtu dhe leshi, lëkura apo copa velvet do I shtonte nje hijeshi dhe ngrohtësi ambintit te shtepisë.
Me vetëm disa ndryshime të thjeshta, ju mund ta përditësoni lehtësisht shtëpinë tuaj me një stil të ngrohtë dhe mikpritës të vjeshtës.
