Qeveria e Kosovës njoftoi, por nuk sqaroi se për cilin rast e ftoi Prokuroria Speciale e Kosovës kryeministrin Albin Kurti të dëshmojë në datën 16 dhjetor.
Burime të Radios Evropa e Lirë në këtë prokurori konfirmojnë se ftesa ka të bëjë me rastin e rezervave shtetërore, në të cilin është e implikuar edhe ministrja e Kurtit, Rozeta Hajdari.
Në këtë rast si i dyshuar u pati arrestuar edhe miku i Kurtit, afaristi Ridvan Muharremi, i cili më pas u lirua. Ai në tetor të këtij viti është intervistuar nga Prokuroria Speciale si i dyshuar.
Mbrëmë Prokuroria i ka dërguar thirrje Kurtit për t’u paraqitur për dëshmi më 16 dhjetor. Ai do të dëshmojë si dëshmitar.
Ai përgjatë ditës u pyet nga gazetarët lidhur me ftesën e Prokurorisë, por i njëjti refuzoi të përgjigjej duke thënë se është “me nxitim”./REL
