Forca të shumta policie kanë blinduar mesditën e kësaj të enjteje zonën e Astirit në kryeqytet. Siç shihet dhe nga pamjet e siguruara nga Euronews Albania, Forcat e Ndërhyrjes së Shpejtë dhe forcat RENEA ndodhen në terren.
Burime bëjnë me dije se bëhet fjalë për një vajzë në katin e 8-të të një banese, e cila ka kërkuar ndihmën e policisë pasi është dhunuar nga disa persona.
Përmes një komunikate për media policia bën me dije se vajza në fjalë ka mbyllur derën e banesës dhe nuk pranon ta hapë atë.
Efektivët e Reneas zbritën me litarë nga tarraca e pallatit, duke hyrë në ballkonin e banesës në katin e tetë.
Më pas ata mundën të futeshin në ambientet e brendshme të banesës duke hapur derën e ballkonit.
“Shtetasja S.Q, ka njoftuar sallën operative se ndodhet në një banesë në katin e 8-të, dhe pretendon se është dhunuar nga disa persona.
Menjeherë në vendngjarje kanë mbërritur sherbimet e Policisë, Grupi Hetimor, shërbimet zjarrëfikëse dhe po punojnë për zbardhjen e rrethanave të ngjarjes si dhe ofrimin e ndihmës së qytetares.
Shërbimet e Policisë po negociojnë me shtetasen S.Q, pasi e ka mbyllur derën dhe nuk pranon ta hapë”, njofton Policia.
View this post on Instagram
j.l./ dita
