Vetëm 15 maturantë kanë rritur të marrin pikët maksimale në provimin e Gjuhës Shqipe dhe Letërsisë, nga rreth 27 mijë maturantë që kanë hyrë në këtë provim, ndërsa në provimin e Gjuhës së Huaj, maturantët që kanë shkëlqyer duke u vlerësuar me pikët maksimale është disa herë më shumë.
Në total sipas rezultateve të publikuara nga Qendra e Shërbimeve Arsimore janë 384 maturantë.
Nga këto të dhëna rezulton se maturantët kanë njohuri më të mira në Gjuhën e Huaj, kryesisht Anglisht, se sa në Gjuhën Shqipe, pavarësisht se teza e Gjuhës Shqipe u klasifikua nga ekspertët e gjuhësisë me një nivel më më të ulët se mesatar. Gjithsesi ky vit ka më shumë maturantë ekselentë në Gjuhë dhe Letërsi, pasi maturën 2022 ishin vetem 4 të tillë.
Nëse do shohim rezultatet e atyre që kanë ngelur në këto provime, rezulton se më shumë ngelës ka në Gjuhë të Huaj se sa në Gjuhën Shqipe dhe Letërsi, përkatësisht janë 1043 mbetës në Gjuhë të Huaja dhe 444 në Gjuhë Shqipe.
Sa i përket notës mesatare në rang Republike, maturantët kanë nivel më të kënaqshëm në Gjuhën Shqipe, pasi nota mesatare është 7.68 ndërsa në Gjuhët e Huaja është 7.34.
