Një nga emrat e njohur të botës së krimit rikthehet për betejën juridike në Gjykatë, me qëllimin final lirimin nga qelia.
Prej vitesh në Burgun e Drenovës, ish-kreu i bandës së “Çoles” në Vlorë, më 1997, nuk është dorëzuar së kërkuari masë më të ulët të sigurisë, që e çon drejt lirimit, duke llogaritur vitet që ai pretendon.
Myrteza (Zani) Caushi, për të disatën herë paraqiti në Gjykatë kërkesën për përllogaritje të ditëve të vuajtjes së dënimit në burg, duke kërkuar ulje të viteve, që lidhet me një dënim që ka vuajtur në Greqi.
Ai kundërshtoi disa vendime të Gjykatës së Matit, që i kanë rrëzuar kërkesën për ulje të dënimit.
Zani Çaushi është i dënuar me burg të përjetshëm, por kërkon një përllogaritjeve të ditëve që ka vuajtur në burgun e vendit fqinj, teksa pretendon se ka pasur gabim teknik, teksa prej vitesh tashmë është në Burgun e Sigurisë së Lartë në Drenovë.
Sipas ligjit, nëse koha e qëndrimit në burg përllogaritet e plotë, vlonjatit i lind e drejta për të kërkuar lirim me kusht.
Më parë i është rrëzuar kërkesa për shkak të masave disiplinore në qeli herë pas here, si dhe faktit se Prokuroria ka pretenduar vazhdimisht se Çaushi në Shqipëri është dënuar për një tjetër vepër penale se ajo e Greqisë, megjithëse të dyja kanë qenë akuza vrasjesh.
Sipas ligjit, nëse një i dënuar përjetë vuan 25 vite burgim për krimin e kryer, i lind e drejta për lirim të parakohshëm nëse plotëson dhe kriteret e sjelljes dhe rehabilitimit.
