Përdhunuan një vajze shqiptare në grup, ish-futbollisti brazilian flet për herë të parë nga burgu

Ish-futbollisti Robinho po vuan një denim 9 vjeçar, pasi u deklarua fajtor për përdhunimin në grup të një vajze shqiptare në Milano në vitin 2013.

Është hera e parë që ish-sulmuesi i Milanit, ka thyer heshtjen e tij që kur u izolua në Burgun Nr2 Tremembe, një burg i vendosur në shtetin brazilian të São Paulo, në mars 2024.

Tani 41 vjeçar, ai donte të sqaronte me një video akuzat për privilegje që gëzon për shkak të famës së tij. Pamjet u publikuan nga Këshilli i Komunitetit Taubaté, një organizatë jofitimprurëse që synon të ndihmojë gjyqësorin.

“Dieta ime dhe kohët e mia të pushimit janë të njëjta me ato të të burgosurve të tjerë”, shpjegoi ai. “Nuk kam ngrënë kurrë ushqime të ndryshme, nuk kam marrë kurrë trajtim të ndryshëm. Gjatë orarit tim në burg, bëj gjithçka që bëjnë të burgosurit e tjerë. Luajmë futboll, vetëm kur lejohet të dielave, kur nuk punojmë”.

Ish-ylli i Real Madridit në video shton se edhe vizitat janë të shtunave ose të dielave.

“Gruaja ime nuk vjen vetëm, ajo vjen me fëmijët e mi. Më i madhi luan për Santos. Dy më të vegjlit mund të vijnë gjithashtu këtu. Vizita është e njëjtë dhe trajtimi është i njëjtë për të gjithë”.

Robinhos iu mohua lirimi i parakohshëm dhe arresti shtëpiak një vit më parë.

“Gënjeshtrat që qarkullojnë, si p.sh. se unë jam shefi i burgut apo se kam probleme psikologjike, nuk janë absolutisht të vërteta. Nuk më është dashur kurrë të marr ilaçe, falë Zotit. Pavarësisht vështirësisë së të qenit në burg, bëj gjithçka që mund të bëjë çdo i burgosur. Këtu, qëllimi është të riedukohen ata që kanë bërë gabime. Rojet janë përgjegjës dhe ne, të burgosurit, thjesht bindemi.”

j.l./ dita