“Duhet të reshtohemi për tre, të recitojmë rregulloren dhe të nderojmë drejtorin kinez si në ushtri”! Po në Shqipëri do t’i pranonim?

Disa rregulla pune në një minierë të blerë nga kinezët në lindje të Serbisë kanë shkaktuar kontradikta dhe reagime. Sipas një dokumenti të brendshëm të firmës kineze, Jinshan Construction, i cili rrodhi në mediat serbe në mes të gushtit, punëtorët në minierë duhet ta nisin punën duke u rreshtuar për inspektim, si dhe t’i përshëndesin njëzëri mbikëqyrësit e tyre kinez.

Jinshan Construcion menaxhon një minierë bakri në qytetin lindor Majdanpek.

Punëtorëve u kërkohet të recitojnë rregullat e sigurisë së kompanisë dhe më pas u kërkohet të bëjnë “betimin e sigurisë”, në të cilin ata zotohen se do  nderojnë rregulloren.

“Neve na kërkohet të formojmë tre reshta për fillimin e çdo ndërrimi turni, është sik në ushtri”, tha për REL-in një punëtor serb, në kushte anonime, për shkak të frikës se mund të ndëshkohet nga punëdhënësi i vet.

Lajmi për rregullat e rrepta ka shkaktuar reagime të mëdha në Serbi, te grupet dhe unionet e punës që thonë se kushtet e tilla të punës janë në kundërshtim me ligjet vendore.

Si përgjigje ndaj reagimeve publike, Ministria e Punës, Punësimit, Veteranëve dhe Politikës Sociale e Serbisë kreu një inspektim në firmën Jonshan Construction në gusht.

Reagimet e kanë zbuluar një ndarje në rritje në Serbi mes kulturave ballkanike dhe kineze të punës.

Sipas një punëtori tjetër serb, të mungosh në takimet e shpeshta që kërkojnë menaxherët kinezë, rrezikon të paguhesh më pak, e madje edhe të përjashtohesh nga puna.

Jinshan Construction është një nënkontraktor që e udhëheq minierën serbe në emër të gjigantit kinez të minierave, Zijin, që mori fillimisht në kontroll një shkritore bakri që po punonte me humbje në qytetin Bor në vitin 2018 dhe prej atëherë ka hapur miniera ari dhe bakri në lindje të Serbisë.

Jinshan Construction dhe Zijin ngulin këmbë se ndjekin praktikat vendore të punës dhe se mbajnë standarde të larta për veprimet e tyre në Serbi.

p.c/dita