Një varkë me të paktën 50 emigrantë të huaj në bord është mbytur në brigjet e Kanalit Anglez.
Lajmi u dha nga Agjencia Detare dhe Rojet Bregdetare.
Të paktën 43 persona janë shpëtuar. Disa nga të shpëtuarit janë nxjerrë nga gomonia dhe disa nga ujë.
Ndërsa aktualisht flitet për 3 viktima.
Të mbijetuarit janë dërguar në Britaninë e Madhe, sipas Sky News.
Nuk dihet nëse mes tyre ka shtetas shqiptarë.
Thirrjet e urgjencës që raportonin një varkë emigrantësh në rrezik mbytje u morën nga roja bregdetare e Mbretërisë së Bashkuar pak para orës 3:40 të mëngjesit, por helikopteri u shkoi për ndihmë në orën 8:30.
Operacioni i shpëtimit po zhvillohet aktualisht në brigjet e Kentit, pranë Dungeness.
Ngjarja ndodhi më pak se një ditë pasi Kryeministri Rishi Sunak njoftoi një paketë me 5 pika për të ndaluar fluksin e paligjshëm të anijeve me emigrantë dhe për të reduktuar numrin e mbetur të azilit prej rreth 150,000 çështjesh.
Një zëdhënës i qeverisë britanike ka konfirmuar se janë në dijeni të incidentit në Kanal.
Ata thanë se “të gjitha agjencitë përkatëse po mbështesin një përgjigje të koordinuar” dhe se detaje të mëtejshme do të jepen kur të jetë e mundur.
j.l./ dita
