Në provimin e matematikës të maturës shtetërore 2025 ka rrjedhur në rrjetet sociale teza e provimit, vetëm pak minuta pas nisjes së testimit, teksa Ministria e Arsimit dhe Sportit siguroi sërish maturantët se kjo nuk cënonte procesin.
Të martën paradite, gjatë provimit të matematikës, ka rrjedhur teza e provimit në rrjetet sociale, vetëm 20 minuta pas nisjes së provimit.
Tezat e provimit janë publikuar të paplotësuara në variantet A dhe B, në llogarinë e Instagramit të “Studentët Denoncojnë”.
Nga ana tjetër, Ministria e Arsimit, Rinisë dhe Sporteve (MAS) ka reaguar duke siguruar studentët dhe familjarët këto veprime nuk ndikojnë në proces.
“Provimi i Matematikës sipas standardeve të sigurisë, proces i qetë dhe i rregullt Provimi i Maturës Shtetërore në lëndën e Matematikës, po zhvillohet në përputhje të plotë me standardet e sigurisë të përcaktuara në rregulloren përkatëse dhe publikimi i tezës së Matematikës pas nisjes së provimit nuk cënon procesin.”, shkruhet në reagimin e MAS.
“Vëmë dhe njëherë theksin se publikimi i tezës së provimit pasi nxënësit kanë nisur testimin, nuk ndikon në mbarëvajtjen dhe integritetin e procesit.”, citojnë përfaqësuesit e ministrisë.
Ky rast nuk mbetet një episod i izoluar, pasi rrjedhja e tezave të provimeve përsëritet tashmë prej dy vitesh gjatë tërë provimeve të maturës.
Rrjedh teza e matematikes ! Cila nga tezat nuk ka rrjedhur deri tani ?
Ku eshte problemi
2024 shqiperia u radhit e fundit ne bote per arsim
Pra qetsohuni ska kush na e kalon me jan te gjithe perpara