Muaji janar ka nisur me ulje të temperaturave kryesisht në veri të vendit por edhe në disa zona në juglindje.
Temperaturat nën 0 gradë celsius, kanë sjellë dhe reshje dëbore në zonat e thella malore mbi 700 m dhe stuhi në qarkun e Kukësit.
Në zonat e larta malore si në Shishtavec e fshatrat përreth ka patur mjegull të dendur në orët e para të mëngjesit të sotëm.
Komisioni i Mbrojtjes Civile pranë Prefekturës informoi se të gjitha rrugët nacionale janë të kalueshme.
Nga subjektet kontraktore ka vazhduar puna gjatë gjithë kohës për pastrimin, kriposjen dhe mbajtjen funksionale të tyre.
Edhe Rruga e Kombit është përfshirë nga reshjet e borës, por sipas njoftimit të kompanisë mirëmbajtëse sasia e borës është shumë e vogël. Sipas kompanisë temperaturat janë shumë të ultë dhe ka rrezik ngricash dhe lagështia e tepërt.
j.l./ dita
