Këshilltari i Lartë i presidentit të Ukrainës Mykhailo Podolyak, gjatë një deklarate për mediat, ka komentuar tërheqjen e trupave ruse nga qyteti jugor Kherson.
“Derisa flamuri ukrainas të valëvisë mbi Kherson, nuk ka kuptim të flasim për një tërheqje ruse”, ka thënë Mykhailo Podolyak.
Deklarata e tij vjen pasi është raportuar se ushtria ruse është urdhëruar të tërhiqet nga qyteti ukrainas Kherson, i vetmi kryeqytet rajonal që ka pushtuar që nga fillimi i pushtimit në shkurt.
Dhe ka qenë komandanti rus në Ukrainë, gjenerali Sergei Surovikin, që ka thënë se nuk ishte më e mundur të vazhdohej furnizimi i qytetit.
Kjo vlerësohet si një goditje e rëndësishme pasi Rusia përballet me një kundërofensivë të Ukrainës.
“Në këto rrethana, opsioni më i arsyeshëm është organizimi i mbrojtjes përgjatë një linje barriere përgjatë lumit Dnipro”, citohet të ketë thënë gjenerali Surovikin në një takim të udhëheqësve të lartë ushtarakë.
o.j/dita
Ruset jane te pa bese dhe te pa fe.Jane nje miksim I serbeve dhe sllaveve te mesjetes