A ka marrë lekë Alma Kaçi për atë që bëri në zyrën e kryetarit të Bashkisë së Kukësit? Nëse po, sa?
Gazetari Mero Baze, i cili sot ka publikuar disa regjistrime bisedash për skabdalin Gjici thotë se “është e qartë që Alma është përdorur dhe personi nuk e ka paguar”.
Për këtë ka dhe fakte të tjera që mund t’i ketë dëshmuar ajo vet në Prokurori. E sigurt është se fundi i bisedës tregon që ai sapo ka marrë videon, ka shantazhuar Safetin dhe nuk do t’ia dijë më për Almën.
Madje mezi ja ka kthyer asaj.
“Kjo bisedë zbërthen qartë gjithë skenarin e skandalit seksual në Kukës. Ajo ka një regjisor, që është Sali Berisha, pasi siç thotë në fund të bisedës dhe vet ai “nuk kam gjë në dorë”, pra nuk e ndalon dot botimin.
Viktimë e kësaj historie është Safet Gjici, por në fund dhe vet vajza Alma, një vajzë e përdorur në mënyrë kriminale me siguri në premtim të pagesës.
Nuk di se çfarë hetimesh më tej mund të ketë Prokuroria, por nga kjo zbardhje bisede gjithçka është e qartë. Jemi para jë skeme te qartë shantazhi, ku përzihet Sali Berisha si garantues politik i skandalit dhe një person kundërshtar me Gjicin, që kërkon shkatërrimin e tij si kryetar bashkie. Personi “kamikaz” i kësaj historie është Alma Kaçi”- thotë Baze.
n.s. / dita
