Kancelari gjerman, Olaf Scholz, presidenti francez Emmanuel Macron dhe kryeministri italian Mario Draghi janë nisur mëngjesin e sotëm drejt Kievit.
Tre liderët evropianë hipën në një tren special në Poloni dhe pritet të mbërrijnë këtë mëngjes në Kiev të Ukrainës, sipas rrjetit gjerman ZDF dhe gazetës italiane La Repubblica, e cila publikoi një foto të tre liderëve brenda trenit.
Secili prej tyre është kritikuar nga zyrtarët ukrainas për atë që Ukraina e percepton si një qasje të butë ndaj Rusisë.
Ditën e djeshme, kryeministri i Shqipërisë Edi Rama si dhe kryeministri i Malit të Zi, Dritan Abazoviç vizituan Kievin, ku u takuan me presidentin ukrainas, Volodymyr Zelenskyyn.
j.l./ dita
