Arnold Schwarzenegger sulmon ata që qëndrojnë pas urrejtjes raciste, siç është antisemitizmi.
“Paragjykimi është rruga e të dobëtit”, thotë ai në një video që ka postuar në kanalin e tij në YouTube. Arnold Schwarzenegger denoncoi racizmin dhe antisemitizmin në një video-mesazh në YouTube.
I lindur në Austri, ish-guvernatori i Kalifornisë dhe ylli i famshëm i Hollivudit vizitoi kampin e përqendrimit të Aushvicit shtatorin e kaluar, ku rreth 1.1 milionë hebrenj u shfarosën nga nazistët gjatë Luftës së Dytë Botërore.
Në video-mesazhin e tij, ylli i “Terminator” u kërkon atyre që përhapin urrejtje të ndalojnë dhe të zgjedhin një rrugë më të ndritshme. Ai thekson se urrejtja është “rruga e të dobëtëve” dhe u bën thirrje njerëzve që të “zgjidhin forcën” për të kapërcyer paragjykimet e tyre.
“Kur hyn në një vend si Aushvici, ndjen një peshë të madhe”, thotë Arnold Schwarzenegger. “Ka kujtime kudo për tmerrin që ndodhi atje.”
Aktori 75-vjeçar më pas i drejton mesazhin e tij atyre që janë “në drejtimin e gabuar”.
m.b./dita
