Sekretari i Përgjithshëm i Organizatës së Kombeve të Bashkuara, Antonio Guterres ka zhvilluar ditën e sotme një vizitë në Ukrainë.
Sipas mediave të huaja, Guterres po zhvillon një takim me presidentin e vendit, Volodymyr Zelensky, për të diskutuar vazhdimin e marrëveshjes së grurit të Detit të Zi.
Marrëveshja i lejon Ukrainës të eksportojë grurë nga portet e saj të bllokuara të Detit të Zi dhe i lejon Rusisë të eksportojë ushqime dhe plehra.
Marrëveshja 120-ditore, e ndërmjetësuar fillimisht nga Kombet e Bashkuara dhe Turqia në korrik dhe e zgjatur në nëntor, do të rinovohet më 18 mars nëse asnjë palë nuk kundërshton.
Rusia ka sinjalizuar se pengesat ndaj eksporteve të saj bujqësore duhet të hiqen përpara se të lejojë që nisma të vazhdojë.
Ukraina dhe Rusia janë të dyja furnizuesit kryesorë globalë të drithërave dhe plehrave.
Ndërsa eksportet ruse të ushqimit dhe plehrave nuk i nënshtrohen sanksioneve perëndimore,
Moska ka thënë se kufizimet në pagesat e saj, industritë e logjistikës dhe të sigurimeve, janë një “pengesë” për dërgesa të tilla.
Secretary-General @antonioguterres is in Kyiv. Later today, he will meet @ZelenskyyUa in Kyiv to discuss the continuation of the Black Sea Grain Initiative in all its aspects, as well as other pertinent issues.
— UN Spokesperson (@UN_Spokesperson) March 8, 2023
j.l./ dita
