Shkencëtarët kanë mundur të rritin shalqinj në një nga vendet më të ftohta dhe më ekstreme në Tokë, objekti kërkimor Vostok në Antarktidë. Një serë e vogël u instalua në një nga ndërtesat e objektit kërkimor dhe u zgjodh një specie e përshtatshme shalqiri, bazuar në aftësinë e tij për t’u rritur pavarësisht presionit të ulët atmosferik dhe niveleve të ulëta të oksigjenit.
Stacioni, i cili shtrihet në Polin e Jugut, mban rekordin për temperaturën më të ftohtë në botë që është regjistruar drejtpërdrejt në nivelin e tokës në -89 gradë Celsius.
Studiuesit nga Instituti i Kërkimeve të Arktikut dhe Antarktidës të Rusisë (AARI) u thanë gazetarëve se rritja e perimeve, manave dhe barishteve ngriti shpirtin e shkencëtarëve që qëndronin në stacion, shpesh për periudha të gjata kohore dhe ndonjëherë me pak akses në dritën natyrore.
Andrei Teplyakov tha se të gjithëve u pëlqente të shikonin bimë të gjelbra të gjalla në sfondin e shkretëtirës së pajetë dhe të bardhë jashtë, dhe ndoqën me entuziazëm rritjen e shalqinjve. Stacioni i kërkimit Vostok u ngrit nga Bashkimi Sovjetik në vitin 1957.
o.j/dita
