Një baba është gjetur i ngrirë për vdekje ditën ditëlindjen e tij pasi ndodhej jashtë gjatë një stuhie dimërore në SHBA.
William Clay, 56 vjeç, u konfirmua si një nga 16 viktimat e dimrit të acartë në Buffalo, SHBA. Ai u gjend i pajetë me fytyrë poshtë në dëborë.
Familjarët e identifikuan trupin e tij menjëherë pasi u raportua i zhdukur në prag të Krishtlindjes. Qyteti, në shtetin e Nju Jorkut, është përfshirë nga temperatura nën zero dhe stuhi të mëdha gjatë ditëve të fundit.
Para identifikimit të trupit, motra e tij Sophie Clay i kishte nxitur njerëzit në Facebook që ta ndihmonin duke kërkuar William. Ajo tregoi se i vëllai shpesh kalonte kohë në dyqanin 7-Eleven pranë shtëpisë së tij, sipas The Mirror.
Disa orë më vonë, ajo ndau lajmin për vdekjen e tij në një faqe GoFundMe për të mbledhur para për funeralin e tij.
“Vëllai im humbi jetën papritur në ditëlindjen e tij”, ka shkruar ndër të tjera Sophie.
Familja ka kërkuar që njerëzit të ndalojnë së shpërndari pamjet që tregojnë trupin e tij të pajetë, ku shihet me fytyrë poshtë në borë.
Një total prej të paktën 16 personave janë raportuar të vdekur në qytetin e Buffalo dhe zonën përreth qarkut, pas një stuhie dimërore që goditi Shtetet e Bashkuara gjatë ditëve të Krishtlindjes.
Numri i përgjithshëm i viktimave në mbarë vendin vlerësohet në 34.
o.j/dita
