Ish-zyrtari i FBI-së, Charles McGonigal do gjykohet në gjendje të lirë.
Në një seancë të gjykatës së Uashingtonit që zgjati më pak se 15 minuta, i pandehuri që mori pjesë virtualisht, u deklarua i pafajshëm lidhur me akuzat se ka marrë para nga një ish-punonjës i shërbimeve inteligjente shqiptare dhe për mos-raportimin në FBI të kontakteve dhe lidhjeve me zyrtarë të shteteve të tjera.
Në fund, gjykata vendosi që McGonigal të gjykohej në gjendje të lirë dhe që një seanca e ardhshme të mbahet në një moment të dytë.
Seanca u përqendrua kryesisht në detajet teknike të procesit.
Të hënën, ai nuk i pranoi akuzat e tjera të ngritura ndaj tij në Nju Jork, se ka shkelur sanksionet amerikane ndaj Rusisë duke punuar për oligarkun rus Oleg Deripaska.
Gjykata vendosi që ta lërë të lirë kundrejt pagesës, gjatë kohës që do të zhvillohet procesi gjyqësor./
VOA
