Pesë persona kanë rënë në prangat e policisë pasi shisnin drogë në afërsi të shkollave në kryeqytet.
Në vijim të hetimeve në kuadër të operacionit “Tempulli”, policia ka siguruar informacion se këta persona shisnin lënë narkotike kanabis në afërsi të shkollave në zona të ndryshme të Tiranës.
Personat në fjalë, dy 19 vjeç, një 18 vjeç, 20 vjeç dhe 16 vjeç, u arrestuan në afërsi të shkollës në rrugën “Muhamet Gjollesha”.
Gjatë kontrollit, policia gjeti 163 doza kanabis gati për shitje. Rezulton se këta shtetas e siguronin drogën në sasi dhe pasi e ndanin në doza, i shitnin pranë shkollave.
Lënda narkotike, një grirëse metalike dhe 5 aparate celulare, u sekuestruan në cilësinë e provës materiale.
p.k\dita
