Moti i keq ka përfshirë të gjithë vendin ditën e sotme.
Reshjet e dendura të shiut dhe era e fortë kanë lënë pa energji elektrike 40 fshatra në juglindje të vendit.
Kushtet atmosferike kanë krijuar një situatë të vështirë për zonat rreth Korçës, Maliqit, Devollit dhe Kolonjës.
Vështirësi në qarkullim, moti i keq ka sjellë edhe në Rrugën e Arbrit.
Rënia e gurëve në aksin e Murrizit, Xibit dhe Bulqizë-Maqellarë kanë krijuar rrezik për aksidente rrugore.
Pas reshjeve të dendura të shiut, rrugët e Korçës janë përmbytur nga uji.
Rruga kryesore në bulevardin Gjergj Kastrioti, parku “Rinia”, por edhe rrugicat e qytetit janë nën pushtetin e ujit.
j.l./ dita
