Një alarm në komunitetin shkencor është shkaktuar nga publikimi i kërkimeve të shkencëtarëve amerikanë, të cilët pretendojnë se kanë zbuluar një virus të zhvilluar te lakuriqët e natës nga Rusia, i cili mund të infektojë njerëzit dhe, më e rëndësishmja, u shpëton antitrupave dhe vaksinave të zhvilluara për Covid-19.
Virusi, të cilit iu dha emri Khosta-2 i përket nëngrupit sarbecovirus, nëngrupi që përfshin koronaviruset si SARS-CoV-2. Siç zbuloi ekipi shkencor nga Shkolla e Shëndetit Global Paul G. Allen në Universitetin Shtetëror të Uashingtonit, virusi Khosta-2 mund të përdorë proteinën e tij të majës për të infektuar qelizat njerëzore siç bën SARS-CoV-2.
“Studimi ynë tregoi se sarbekoviruset që qarkullojnë në natyrë në Azi – madje edhe në zonat e Rusisë perëndimore ku u zbulua Khosta-2 – përbëjnë një kërcënim për shëndetin global dhe përpjekjet e vazhdueshme të vaksinimit kundër SARS-CoV-2,“- tha virologu dhe udhëheqësi i studimit Michael Letko. .
Sipas tij, ky zbulim thekson nevojën për të zhvilluar vaksina të reja që nuk synojnë vetëm mutacionet e njohura të SARS-CoV-2 , siç është mutacioni Omicron, por në përgjithësi do të mbrojnë kundër nëngjinisë së sarbekoviruseve.
Viruset misterioze ruse
Mes qindra viruseve të këtij nëngrupi të zbuluar vitet e fundit, shumica u gjetën te lakuriqët aziatikë dhe nuk kanë aftësinë të infektojnë qelizat njerëzore. Viruset Khosta-1 dhe Khosta -2 u zbuluan te lakuriqët e natës pranë Parkut Kombëtar të Soçit në Rusi në vitin 2020 dhe fillimisht u vlerësuan se nuk përbënin rrezik për njerëzit.
Lajmi i mirë, sipas autorëve të studimit, është se virusit të ri i mungojnë disa nga elementët gjenetikë që mendohet se “konkurrojnë” sistemin imunitar dhe kështu përhapen te njerëzit. Por kjo nuk do të thotë se nuk ka absolutisht asnjë rrezik që virusi Khosta-2 mund të bëjë ‘kërdinë’ duke u kombinuar me një virus të dytë si SARS-CoV-2. / Protothema
j.l./ dita
