Rritet bilanci i viktimave nga aksidenti hekurudhor në Greqi. Sipas informacionit të ministrisë greke të Mbrojtjes, deri tani janë 44 të vdekur, pjesa më e madhe të rinj të moshës 20-30 vjeç.
Një proces shumë i vështirë dhe i dhimbshëm, mjaft i gjatë pasi do të duhen disa ditë për identifikimin e plotë të viktimave. Disa nga viktimat janë të copëtuara, ndaj është shumë e vështirë edhe t’i identifikosh.
Në spital ndodhen 4 mjekë, ndërsa sipas informacioneve i pranishëm është edhe Shefi i Shërbimit Mjekësor Ligjor të Athinës.
Në të njëjtën kohë, gjashtë të rinj të moshës 20-25 vjeç po bëjnë betejën e tyre për të qëndruar gjallë në repartet e terapisë intensive në Spitalet e Larisës, ndërsa ka edhe mbi 50 të lënduar.
m.b./dita
