Ka arritur në 57 të vdekur bilanci i viktimave të aksidentit hekurudhor të ndodhur mbrëmjen e së martës në Tempi të Greqisë.
Në orët e fundit, 7 trupa të pajetë janë nxjerrë nga vagonët e shkatërruar si pasojë e impaktit të fortë të dy trenave.
Ndërkohë, ka nisur procesi i identifikimit të viktimave, të cilat po i nënshtrohen procesit të verifikimit të ADN-së. Sa i takon të plagosurve, të cilët ndodhen në dy spitalet e qytetit të Larisës, situata rezulton nën kontroll.
Autoritetet helene bëjnë të ditur se përveç atyre pak pacientëve që ndodhen në repartet e terapisë intensive për shkak të gjendjes kritike, pjesa tjetër e tyre nuk është në rrezik për jetën.
o.j/dita
