Një gjykatë në Rusi ka dënuar një burrë me 10 ditë burg për shkrimin e sloganit “stop luftës” në dëborë. Slogani ishte shkarravitur me gisht në borë në hyrje të një sheshi në Parkun Gorky të Moskës. Ngjarja ka ndodhur më 23 nëntor dhe personi i quajtur Dmitry Fyodorov është dërguar në burg të nesërmen pasi është arrestuar nga policia.
Policia vendosi se veprimet e tij mund të përbënin një shkelje civile, sipas një ligji që synon këdo që mendohet se ka vepruar publikisht për të shpifur Forcat e Armatosura të Rusisë, një vepër e dënueshme në rastin e tij me gjobë. Ligjet e reja për të goditur disidencën erdhën menjëherë pasi dhjetëra mijëra trupa u dërguan në Ukrainë në shkurt 2022, të cilin Vladimir Putin e quajti një “operacion ushtarak special”.
Për ata që janë kundër luftës së Rusisë në Ukrainë, të folurit në publik që atëherë është bërë një gjë e rrezikshme dhe kritikët thonë se afro 20,000 njerëz janë arrestuar dhe më shumë se 800 çështje penale janë hapur. Fyodorov, i cili pranoi në gjykatë se kishte shkruar sloganin kundër luftës, u dënua me dhjetë ditë burg dhe gjobë për mosbindje ndaj policisë.
p.c. / dita
