Një sasi lëndë plasëse ka shpërthyer në lagjen ‘Haxhias’ në Elbasan në korridorin e katit të 4-t të një pallati. Lënda plasëse ishte vendosur në derën e hyrjes në pronësi të shtetasit B. B., 59 vjeç, në të cilën jetonin me qira dy shtetase. Policia thotë se si pasojë e shpërthimit janë shkaktuar dëme materiale.
Por nga shpërthimi është dëmtuar aksidentalisht nga dera e dhomës së tij E. Th., rreth 26 vjeç, i cili banon në hyrjen përballë. 26-vjeçari është dërguar për mjekim te spitali i Traumës në Tiranë dhe burime bëjnë me dije se i riu është në gjendje të rëndë për jetën, njofton Policia.
I plagosur në gjendje të rëndë është Enea Themollari, 26 vjeç, i cili është transportuar në spitalin e Traumës në Tiranë.
“Rreth orës 02:30, në lagjen ‘Haxhias’, në korridorin e katit të 4-t të një pallati në derën e hyrjes në pronësi të shtetasit B. B., 59 vjeç, në të cilën jetonin me qira dy shtetase ka shpërthyer një sasi lënde e dyshuar plasëse.
Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e rastit, identifikimin e kapjen e autorit/ve”, njofton Policia.
j.l./ dita
