Rama publikon video me turistët e huaj të mahnitur me jugun: Plazhe parajsë, mikpritje e shkëlqyer

Kryeministri Rama, këtë të mërkurë e ka nisur me një video mesazh me disa turistë në Vlorë.

Ata tregojnë përshtypjet e tyre të marra nga ky qytet.

“Edhe me përshtypjet nga Vlora, e cila këtë verë po pret turistë nga e gjithë Europa, të befasuar prej mikpritjes, detit, por edhe plazheve sekrete të zbuluara gjatë udhëtimeve magjike me anije, ju uroj një ditë të mbarë”, shkruan Rama.

Ndërkohë turistët shprehen të kënaqur nga vizita që kanë bërë në Shqipëri.

“Në Vlorë është shumë bukur, bëmë një udhëtim me anije turistike, dhe pamë plazhe shumë të bukura”, ka thënë një turiste.

Një tjetër turist shprehet se edhe pse është shumë nxehtë ja vlente që të ishe këtu me anije turistike.

Ndërkohë një tjetër turist nga Austria shprehet se është shumë vapë por shumë bukur.

“Kam dy ditë që kam ardhur është shumë vapë por u kënaqëm shumë gjatë udhëtimit me varke. Ishte shumë argëtuese dhe një vend i bukur”, ka thënë ai.

Dy turistë italianë përveç Vlorës, sugjerojnë që të vizitohet dhe Saranda me Ksamilin. Ndërsa nuk mund të linin pa përmendur edhe mikpritjen e shkëlqyer të shqiptarëve.

“Përshëndetje, kam ardhur para dy ditësh në Shqipëri dhe jemi në këtë plazh të bukur. Mikpritja e shqiptarëve ka qenë e shkëlqyer, po ndihemi shumë mirë.

Udhëtimin do ta vazhdojmë duke zbritur drejt jugut, duke shkuar në Ksamil, më pas në Berat dhe kthehemi në Tiranë, ku do të qëndrojmë 4-5 ditë të tjera dhe udhëtimi do të përfundojë këtu.

Në Vlorë është shumë bukur, plazhet janë shumë të bukura, po ju rekomandoj të vizitoni Ksamilin dhe Sarandën, pasi plazhet atje janë një parajsë”, thanë ata.

j.l./ dita