Agjencitë e shërbimit funeral do të licencohen nga njësitë e vetëqeverisjes vendore për ushtrimin e aktivitetit të shërbimit funeral dhe/ose ofrimin e shërbimit për shtëpi funerale.
Këshilli i Ministrave miratoi sot (5 korrik) ndryshime në vendimin për “Administrimin dhe funksionimin e varrezave në territorin e Republikës së Shqipërisë sa i takon agjencive të shërbimit funeral” sa i takon neneve që kanë të bëjnë me funksionimin e këtyre agjencive.
Sipas këtyre ndryshimeve agjencitë do të licencohen nga njësitë e vetëqeverisjes vendore për ushtrimin e aktivitetit të shërbimit funeral dhe/ose ofrimin e shërbimit për shtëpi funerale.
Njësitë e vetëqeverisjes vendore brenda 6 muajve duhet të parashikojnë dhe miratojnë kriteret dhe kushtet plotësuese që këto agjenci duhet të plotësojnë në lidhje me kapacitetet teknike dhe burimet njerëzore.
Edhe Agjencitë, të cilat ushtrojnë aktivitetin e tyre para hyrjes në fuqi të këtij vendimi, duhet të plotësojnë kriteret dhe kushtet për licencim, brenda 6 muajve nga miratimi i tyre nga njësitë e vetëëeverisjes vendore.
Nëse pas afatit 6-mujor nga data e miratimit të rregullave të vendosura nga njësitë e vetëëeverisjes vendore, agjencitë nuk i plotësojnë kriteret dhe kushtet e vendosura, ato nuk licencohen.
