Prej disa ditësh vijon aktiv zjari në Parkun Kombëtar të Prespës.
Ditën e sotme raportohet se në terren kanë zbritur prefekti i qarkut të Korçës, Nertil Jole së bashku me kryetarin e bashkisë së Pustecit Pali Kolevski dhe rreth 80 forca zjarrfikëse. Sot është dita vendimtare për të shuar flakët.
Ndërkohë edhe në Parkun Kombëtar të malit të Tomorit zjarri vijon ende aktiv, ku flakët kanë djegur kurorën e pishave. Sot në orët e para të mëngjesit forcat zjarrfikëse dhe punonjës të ADZM po angazhohen për shuarjen e flakëve.
Autoritetet vendore sqaruan se vatra ndodhet në zonën e “Majës së Çukës”, aty ku mbahet pelegrinazhi i përvitshëm i besimtarëve bektashinj dhe flakët u përhapen me rrezikshmëri edhe për shkak të erës dhe terrenit të thyer.
Fatmirësisht zjarri në bashkinë e Selenicës është vënë në kontroll. Kështu bën me dije ministri i Mbrojtjes Pirro Vëngu, sipas të cilit, rreziku për banesat është eliminuar, por situata po mbahet nën monitorim të vazhdueshëm.
j.l./ dita
