VIDEO: Skandal në Austri, ish-zv. Kancelari kryen rituale të paligjshme duke konsumuar drogë

Mediat austriake kanë hedhur dritë mbi atë që ato e konsiderojnë “marrëdhëniet e errëta të ish-zëvendës-kancelarit Heinz-Christian Strache”.

Sipas raportimeve, ai merrte pjesë rregullisht në ceremonitë Ayahuasca*, gjatë të cilave konsumohej droga DMT (Dimethyltryptamine) , një substancë psikoaktive ilegale në Austri. Këto rituale thuhet se u zhvilluan në një ndërtesë në Vjenë, ku të pranishëm përveç Strache, ishin edhe rreth dhjetë individë të tjerë nga politika dhe biznesi.

“Pjesëmarrja e figurave të larta të politikës dhe biznesit ngre pyetjen se çfarë lidhjesh ka Strache me nëntokën, që i mundëson akses në substanca dhe qarqe të tilla të ndaluara”, shkruajnë mediat austriake.

Burimet për mediat raportojnë edhe detajet nga ceremonia.

Pjesëmarrës në ceremoni ishte edhe një shaman nga Amerika e Jugut, i cili u ftua për të kryer ritualet dhe për të udhëhequr pjesëmarrësit në konsumimin e Ayahuasca. Grupi, që thuhet se përbëhej nga rreth dhjetë individë, përfshinte figura të shquara nga politika dhe biznesi, shkruan Vox News.

Ritualet zhvilloheshin në një atmosferë që synonte të promovonte transformimin shpirtëror nën dritën e qirinjve, aromën e temjanit dhe këngët tradicionale të kënduara nga shamani. Megjithatë, realiteti pas këtyre ceremonive paraqet një pamje të zymtë: Pamjet e regjistruara pavarësisht një ndalimi të rreptë të telefonit celular, tregojnë pjesëmarrësit duke përfshirë edhe ish zv kancelarin një gjendje ekstaze ekstreme. Sipas dëshmitarëve okularë, ata përjetuan halucinacione të forta, bërtisnin dhe qanin. Edhe ish-partnerja e tij, e cila tashmë banon në Kapri, ka konfirmuar se këto ceremoni janë zhvilluar.

Mediat njoftojnë se do të publikojnë së shpejti pamjet dhe se këto regjistrime japin detaje tronditëse mbi pjesëmarrësit dhe natyrën e ceremonive, duke ekspozuar përmasat e plota të skandalit.

Organizimi i ceremonive të tilla që përfshijnë substanca të paligjshme si DMT në mënyrë të pashmangshme ngre pyetjen se si HC Strache dhe grupi i tij patën akses në këto drogëra.  DMT është rreptësishtë e ndaluar në Austri dhe klasifikohet si një drogë e rrezikshme. Megjithatë, Strache duket se ka lidhje që, jo vetëm që i japin atij akses në këto substanca, por gjithashtu lehtësojnë logjistikën e nevojshme, të tilla si sjellja e një shamani, ose importimi i Ayahuasca.

Mediat austriake sjellin në vëmendje se Strache kohët e fundit udhëtoi në Amerikën e Jugut me “trajnerin e tij shpirtëror” Lin P., ku vizituan vende si Peruja dhe Kolumbia – të dyja burime të njohura të Ayahuasca. Strache dhe Lin P. jo vetëm që morën pjesë në rituale atje, por gjithashtu vendosën kontakte me grupet lokale që siguronin akses në këto substanca.

“Fakti që rituale të tilla mund të organizohen sugjeron një lidhje me nëntokën. Këto substanca nuk hyjnë në vend thjesht përmes rrjeteve konvencionale. Kërkon kontakte që shtrihen përtej qarqeve të zakonshme, ndoshta edhe lidhje ndërkombëtare”, thotë një ekspert i krimit të organizuar
Nga ana tjetër, prania e individëve të rangut të lartë të politikës dhe biznesit në këto ceremoni shton një shtresë tjetër intrigash.

“Fakti që Strache nuk ishte vetëm, por pjesë e një grupi figurash me ndikim, tregon se sa thellë shkojnë këto rrjete”, komentoi burimi. Kjo ngre pyetjen se sa të gjera janë këto qarqe dhe nëse lidhjet e tyre përfshijnë aktivitete të tjera të paligjshme.

Zbulimet e reja ngrenë gjithashtu pyetje rreth asaj se sa pushtet dhe ndikim ka ende Strache. Pavarësisht rënies së tij politike, ai duket se ka akses dhe ekskluzivitet në rrjetet ilegale. Ekspertët spekulojnë se Strache përdori kontaktet e kaluara politike dhe të biznesit për të fituar avantazhe që mundësojnë aktivitetet e tij të paligjshme.

Një ish bashkëpunëtor komentoi:

“Dikush duhet të pyesë veten se sa thellë është ngatërruar Strache me krimin. Këto lloj lidhjesh nuk shfaqen vetëm brenda natës. Duket se ai ende mbështetet në rrjetet e kohës kur ishte në politikë.”

Një aspekt tjetër që nuk mund të anashkalohet është gjendja psikologjike e Strache. Pjesëmarrja e tij në këto rituale, e kombinuar me përdorimin e përsëritur të drogës, mund të tregojë paqëndrueshmëri më të thellë psikologjike. Angazhimi në ceremoni të tilla mund të jetë një përpjekje për të përballuar dështimet personale ose politike, ose thjesht një provë e mëtejshme e arratisjes së tij nga realiteti.

Nëse pretendimet konfirmohen, jo vetëm Strache, por edhe pjesëmarrësit e tjerë mund të përballen me pasoja të rënda ligjore. Mbajtja dhe konsumimi i DMT-së është rreptësishtë i ndaluar në Austri dhe organizimi i ceremonive të tilla mund të klasifikohet si vepër penale. Identitetet e pjesëmarrësve të tjerë mbeten të paqarta, por hetimet në vazhdim pritet të zbulojnë më shumë emra.

*Ayahuasca është një pije psikoaktive e Amerikës së Jugut, e përdorur tradicionalisht nga kulturat indigjene dhe shëruesit popullorë në pellgjet e Amazonës dhe Orinokos për ceremoni shpirtërore.

*Shaman– një person që konsiderohet se ka akses dhe ndikim në botën e shpirtrave të mirë dhe të këqij, veçanërisht midis disa popujve të Azisë veriore dhe Amerikës së Veriut.

VIDEON e gjeni KËTU.

j.l./ dita