Skandal në Francë. Ndeshja Girondins de Bordeaux-Rodez, vendimtare për ngjitjen në Ligue 1, u ndërpre në pjesën e dytë për shkak të një sulmi të ultrasve vendas, kundër Lucas Buades, një lojtar i mysafirëve. Francezi kishin qenë pikërisht autori i 0-1, që i la Bordeaux pa opsione ngjitjeje në kategorinë më të lartë të futbollit francez. Nga ana tjetër, Rodez lufton për të ruajtur kategorinë. Menjëherë pas kësaj, ndeshja u ndërpre.
Siç raportojnë ‘BeIn Sports France’ dhe ‘RMC Sport’, një tifoz i Girondins ka shtyrë sulmuesin Lucas Buades, i cili ka mbetur në tokë për minuta të gjata, duke e detyruar arbitrin të ndalojë ndeshjen. Gjithçka ka ndodhur teksa lojtari i Rodezit po festonte golin e tij pas portës së Girondinëve. Buades ra në tokë dhe qëndroi i shtrirë për minuta të gjata. Ka ndërhyrë personeli mjekësor dhe sipas ‘Prime Video’, BUades është dërguar në spital. ‘BeIn Sports France’ raporton se sulmuesi pësoi një tronditje cerebrale.
