Sali Berisha pranon se ka takuar Alma Kaçin, vajzën në video-skandalin e Gjicit, por nuk pranon të japë më tepër detaje nga biseda me të.
Në konferencen për media, kur u pyet për videoskandalin hodhi teorinë se pas videoskandalit fshihet një gjobëvënie brenda PS prej 500 mijë eurove dhe se pasi videoja u publikua, Gjici kërkoi paratë që siç thotë Berisha ia ka dhënë gjobëvënësve.
“Janë tre variante. Varianti i parë, korrupsion erotik. Variant i dytë: Ia bënë njëri tjetrit, grindje e brendshme mes PS-së por unë nuk kam fakte. Almën duan ta paraqesin si kryesore dhe Safetin viktimë. Duket se pasi ka ndodhur historia lëpirës të qeverisë kanë gjobitur Safetin.
Gjoba flitet deri në 500 mijë euro pë të mos dhënë filmin. Ndodhi që filmi u dha dhe tani Safeti nga burgu kërkon paratë. Kanë gjetur si mënyrë që këtë ta ka gjetur Saliu se kanë hall që të mos i kthejnë borxhin.
Alma ka ardhur tek unë. Unë si rregull nuk bëj publike bisedat, secili mund ta bëjë. Unë vetë nuk bëj publike. Nuk merr njeri porosi nga unë këtë thuaje apo jo. Është e vërtetë që ka ardhur. Nuk është praktikë e imja e luftës politike”, tha Berisha.
Kujtojmë se më parë është bërë e ditur se Alma Kaçi ka takuar Berishën ne datën 9 qershor, datë pas se cilës ai i rekomandoi qe video skandalin ta çonte në një TV që të mbulohej skema e përhapjes.
j.l./ dita
