Mbledhja e Këshillit të Sigurisë Kombëtare e thirrur nga Bajram Begaj sapo ka nisur, ku në qendër të diskutimeve pritet të jetë situata e institucioneve të sigurisë pas zhvillimeve të fundit në lidhje me hetimin ndaj ish-drejtoreshës së SHISH, Vlora Hyseni. Mbledhja ka nisur në orën 08:30, ndërsa marrin pjesë një sërë personalitetesh dhe drejtues institucionesh.
Në mbledhje pritet të marrin pjesë Kryeministri Edi Rama, Kryetari i Kuvendit Niko Peleshi, Ministri i Mbrojtjes Ermal Nufi dhe Ministri i Brendshëm Ervin Demo. Po ashtu, pritet të jenë të pranishëm Ministri për Evropën dhe Punët e Jashtme Ferit Hoxha, si dhe drejtues të institucioneve të sigurisë, përfshirë SHISH-in, Policinë e Shtetit dhe Shtabin e Përgjithshëm të Forcave të Armatosura.
Diskutimet pritet të përqendrohen te siguria kombëtare, mbrojtja e informacionit të klasifikuar dhe zhvillimet e fundit në SHISH. Në takim pritet të trajtohet edhe drejtimi i institucionit pas largimit të Hysenit, ndërsa Elvis Lila pritet të vijojë të drejtojë SHISH-in në detyrë të komanduar.
j.l./ dita
Bame Man-Kukaleshi ka thirr Keshillin e Sigurise Kombetare e pret ti vije aty Rama qe te mburre ca arritjet e medha qe SHISH nen drejtimin e Vlores zgjedhur prej tij e lavderuar nga ai ka patur kohet e fundit, sidomos ne Fikjen e Radareve te Shtetit per hir te Agasit Junior sa kohe ky ishte ne kerkim nga Drejtesia e i strehuar tek rezidencat qeveritare e jo-qeveritare.
Eshte kjo Siguri Kombetare e markes “Made in Rama” qe ka dhene prova plot per efikasitetin e saj ku spikat dhe dalja ne pazar e te dheneva personale te afro 1 milion shqiptareve etj, etj.