Në qytetin e Shkodrës, një grua po qëndron në burg pas dënimit nga gjykata në vitin 2020 me një gjobë prej 250 mijë lekë, për braktisjen e fëmijës së saj nga martesa e pare. Denoncimi u bë nga ish-bashkëshorti i saj, dhe Diana Bahçja në pamundësi të paguajë gjobën, i është konvertuar dënimi me 50 ditë burg.
Ngjarja e pazakontë ka shkaktuar reagime nisur dhe nga statusi i gruas e cila sapo ka lindur fëmijën e saj nga martesa e dytë me Naim Bahçen nga Postriba.
Për mediat, bashkëshorti i Dianës bën apel për lirimin e gruas pasi ajo është lehonë dhe prej një jave ka sjellë fëmijën e saj të porsalindur. Bashkëshorti denoncon faktin se Diana është burgosur kur djali ishte vetëm 8 ditësh.
Diana është dënuar nga Gjykata për braktisjen e fëmijës së saj nga martesa e parë, fakt të cilin ajo e mohon. Ajo shpjegon edhe situatën përmes një telefonate nga burgu I grave, ku po vuan dënimin dhe për këtë dënim fajëson ish-bashkëshortin. Vetëm që Diana të lirohet, bashkëshorti i saj shprehet se është I gatshëm të mbajë edhe vajzen e gruas nga martesa e parë.
Sipas ligjit, një nënë lehonë, e ka me detyrim të qëndrojë pranë foshnjës të paktën 60 ditë. Ajo që mund të thuhet në këtë rast, pas denimit për braktisjen e fëmijës së parë, në këtë rast është gjykata ajo që detyron nënën e re të braktisë foshnjen vetëm pak ditëshe.
m.b./dita
