Dielli përvëlues thuajse i zbrazi rrugët e Tiranës mesditën e të enjtes. Ata që ishin të detyruar të dilnin në qytet nxitonin të mbyllnin punët me ngut.
Një kapele, freskuese apo shishe me ujë ju vjen në ndihmë në këtë rast. Sipas meteorologëve kjo është dita më e nxehtë deri tani.
Vlerat e termometrit shënojnë deri në 9 gradë më shumë se normalja e muajit.
“Temperaturat e ajrit regjistrojnë vlerën 36-37 gradë Celsius në qarkun e Elbasani dhe Beratit dhe zonat e bregdetit. Temperature të larta janë shënuar edhe nga Shkodra, Tirana, Berati si pasojë e valës së të nxehtit që ka prekur rajonin e Ballkanit, por territori shqiptar ndodhet në periferi dhe kjo bën që të kemi temperatura diku 9 gradë më shumë se normalja”, ka thënë meterologu Hakil Osmani.
Por megjithëse duket sikur erdhi përfundimisht vera, gjatë fundjavës do ndodhë sërish kthesë, e cila në disa do jetë goxha e fortë krahasuar me vapën e sotme.
Meteorologët parashikojnë rënie të temperaturave me disa gradë celcius, madje edhe reshje shiu në zona të caktuara.
“Pjesa e dytë e së premtes do të sjellë shtim të vranësirave dhe rrebeshe të izoluara. Jugu, ku ndodhet bregdeti pritet që gjatë fundjavës të ketë zona që do të përfshihen nga reshjet”, ka thënë Osmani.
Pra java do mbyllet me mot të paqendrueshëm.
o.j/dita
