Këtë të martë, Gjykata e Posaçme do të vendosë masën e arrestit për ish-kryeministrin Sali Berisha.
SPAK dërgoi kërkesë Gjykatës për zëvendësimin e masës së sigurisë detyrim paraqitje me arrest shtëpie.
Kërkesa u depozitua të premten dhe gjyqtarja Irena Gjoka pritet të njoftojë vetë personin nën hetim për korrupsion Sali Berishën si dhe avokatët e tij.
Nuk dihet nëse avokatët e ish-kryeministrit do të paraqiten në seancë sot ne orën 10:00 për t’u ballafaqur me kërkesën e prokurorisë apo mbrojta do t’i sigurohet nga shteti përmes një avokati kryesisht që do të caktohet nga gjykata.
Prokurorët e posaçëm morën autorizim nga Kuvendi për arrestin e Berishës pasi ish-kryeministri refuzoi për tre herë rresht të zbatonte vendimin e gjyqtares Irena Gjoka që kishte caktuar për të detyrim paraqitje dhe bllokim të pasaportës.
j.l./ dita
